This is an archive copy of wikilivres.ca as of 18 February 2017 (from the WikiTeam dump). The original site is closed.
Merciless Beauty (Middle English): Difference between revisions
Free texts and images.
Jump to navigation
Jump to search
|
|
| Line 5: |
Line 5: |
| |previous = | | |previous = |
| |next = | | |next = |
| |notes = | | |notes = See [[Merciless Beauty|the translation into modern English by A.S.Kline]]. |
| }} | | }} |
|
| |
|
Revision as of 22:55, 29 October 2010
Merciless Beauty
Your yen two wol slee me sodenly;
I may the beautee of hem not sustene,
So woundeth hit thourghout my herte kene.
And but your word wol helen hastily
My hertes wounde while that hit is grene,
Your yen [two wol slee me sodenly];
[I may the beautee of hem not sustene].
Upon my trouthe I sey you feithfully
That ye ben of my lyf and deeth the quene,
For with my deeth the trouthe shal be sene.
Your yen [two wol slee me sodenly];
[I may the beautee of hem not sustene],
[So woundeth it thourghout my herte kene].
So hath your beautee fro your herte chaced
Pitee, that me ne availeth not to pleyne,
For Daunger halt your mercy in his cheyne.
Giltles my deeth thus han ye me purchaced;
I sey you sooth, me nedeth not to feyne;
So hath your beautee [fro your herte chaced]
[Pitee, that me ne availeth not to pleyne].
Allas, that Nature hath in you compassed
So greet beautee, that no man may atteyne
To mercy though he sterve for the peyne.
So hath your beautee [fro your herte chaced]
[Pitee, that me ne availeth not to pleyne],
[For Daunger halt your mercy in his cheyne].
Sin I fro Love escaped am so fat,
I never thenk to ben in his prison lene;
Sin I am free, I counte him not a bene.
xx
|
|