Malhimno idista

Malhimno idista written by Vasili Devjatnin

Link to further information

En la mond' naskigxis nova ido,
Tra la mond' malsagxa iras voko:
Renkontata cxie per la rido,
Nun de loko flugas gxi al loko.

Gxi al glavo, sangon soifanta,
Nun la homan familion tiras:
Al la mond' eterne militanta
Malpacigxon novan gxi inspiras!

Sub sensenca sign' de blua stelo
Kolektigxas kelkaj poliglotoj, --
Kaj neniu scias pri la celo,
Kiun havas tiuj idiotoj!

Forte staras muroj de miljaroj
Inter la popoloj dividitaj, --
Sed ankoraux plifortigxus baroj,
Se per Ido estus ni kaptitaj.

Sur sensenca ida fundamento,
Komprenante preskaux jam nenion,
La popoloj pro la malkonsento
Pereigus homan familion! . . .

Sed ni kredu: tiu cxi brutaro
Tre rapide tute malfortigxos, --
Kaj la bela songxo de l' homaro
Por eterna ben' efektivigxos!

Works by this author are in the public domain in countries where the copyright term is the author's life plus 87 years or less. cs | de | en | eo | es | fr | he | pl | ru | zh

  ▲ top